【美股先機：英Sir心水股】美股已經去到將壞消息當好消息炒嘅階段，道指、標指上周五(5月8日)均以5月至今最高位收市，咁如果想參與美股有咩好選擇?
獨立股評人黃國英(英SIR)，喺節目《中銀特約-美股先機》(足本重溫: https://bit.ly/3csdAX8 )中，推介美國低價時裝零售商TJX(TJX)，同埋電梯公司奧的斯(OTIS)。
英Sir喺節目中提到，如果想炒「本土生活正常化」，餐飲股本應幾好炒，但已經比人炒到幾貴，又有食材價格上升嘅風險；
反而低價時裝零售商TJX，因為唔少公司近幾個月應該有唔少「死貨」積喺度，或供應到更多唔同花款嘅衫俾TJX，即逆市下公司反而「多咗子彈」。
不過英Sir都承認TJX唔係冇風險，如果經濟繼續唔好同失業率高企，可能唔少人會「連平價衫都唔買」！
至於電梯公司奧的斯(OTIS)，相信唔少香港人都聽過、見過，因為大家平時返屋企返工返學出街，搭Lift搭電梯，都好大可能用到OTIS。
英Sir認為行業門檻高，競爭相對細，可以博有更多大廈使用其電梯，加上保養及維修收入屬重複性收入，收入穩定。雖然股份呢排升咗唔少上嚟，但相比其他同類歐洲嘅公司都仲算係平。
沒有留言:
張貼留言