【盤房來料】石油股邊夠中東佬炒 短線吼0873世茂服務

 https://www2.hkej.com/instantnews/market/article/2857478/%E3%80%90%E7%9B%A4%E6%88%BF%E4%BE%86%E6%96%99%E3%80%91%E7%9F%B3%E6%B2%B9%E8%82%A1%E9%82%8A%E5%A4%A0%E4%B8%AD%E6%9D%B1%E4%BD%AC%E7%82%92+%E4%B8%89%E6%A1%B6%E6%B2%B9%E9%81%BF%E4%B9%8B%E5%89%87%E5%90%89

美股一直位高勢危，預咗隨時調整，用擔心變種病毒肆虐全球，其實只係跌市之後搵個理由解釋，講真又唔係第一日發現變種病毒，全球疫情除咗中國之外，其他國家一直未見完全受控，早前只因為部份發達國家疫苗接種率有所提升，以為疫情可受控，而亞太區內大部份地區，疫情一直嚴峻。講到底，美股大幅回調，都係同估值有關，美股喺上半年屢創新高，而經濟未真正完全復甦，咁估值追唔上，殺估值係必然嘅事。不過港股就真係慘情咗啲，自年初見咗三萬水平高位後，持續喺區間上落，五未太窮，六又未絕下，以為七可翻身，豈料美股跟內地股市唔爭氣，港股就繼續陪跌，今日又再失守俗稱牛熊分界線嘅250日線(27169)。

受美股隔晚急跌拖累，恒指今早低開93點，曾止跌回升最多43點，見27532點半日高位。可惜內地股市腳軟，港股再度走弱，最多跌358點，見27131點半日低位，創7月9日以嚟最低，更失守牛熊線。恒指收報27163點，跌325點；國指跌146點，報9811點；恒科指連跌四日，半日跌121點，報收7310點。半日成交額734.73億元唔算多，沽壓未致太嚴重。

藍籌股幾乎全面走低，只有港鐵(00066)跟港交所(00388)逆市上升，前者更升逾2%，為最大升幅藍籌股。ATMX全線下跌，小米(01810)半日跌2.3%，四股之中跌最多，不過要撈貨ATMX之中係佢較為安全，至少唔係平台股，受網絡審查機會較低，叫做無乜政策風險。騰訊(00700)、阿里(09988)跟美團(03690)分別跌1.5%、0.6%及0.8%，話咗平台股暫時無得搞。港交所半日靠穩升0.19%，唯一中美角力嘅受惠者，有心買貨吼510至520之間收集。

市場避險情緒升溫，資金湧入債市令美國10年期債息跌穿1.2厘水平，創五個月低位，息差收窄壓力下，銀行股梗係無運行。大笨象(00005)跌1.9%，跟恒指同步五連跌；同系恒生(00011)跌1%，渣打(02888)更跌2.7%，其他本地銀行股閒閒地跌1%以上。

OPEC跟盟油達成逐步增產協議，加上疫情惡化或拖累經濟復甦進度，石油需求自然減少，隔晚國際油價急挫，今日三桶油同埋其他油服股全面向下。阿Man講過無數次，油價升跌難捉摸，供應就由OPEC跟產油國話事，基本上一般股民邊度夠班中東佬炒油叻，所以阿Man一向唔炒石油股，市場上咁多股可以揀，又何必捨易取難呢……

恒大(03333)發生乜嘢事，唔使阿Man多講，恒大一向被阿Man視為不宜炒作嘅內房股，可以話以重磅大size嚟講，恒大喺阿Man心目中，再大嘅市值亦難除去其妖味，全因債台高築，講到明係最重債嘅內房股，反正市場咁多內房股，為何要偏偏揀佢買?? 恒大系內股份繼續插水，阿Man無水晶球，唔會估底亦無打算撈貨，反而內房跟物管股受消息拖累緊水，可以撈個別物管股，短線繼續吼世茂服務(00873)，母公司一向唔算大槓桿，債唔算重，本身世第三方項目方發展理想，24-25呢啲位可以收集。

麥狄文
(徐狄怡‧證監會持牌人)

 

物管股2021年爆發：龍頭漲超50%，中信稱物管迎來黃金期

 https://news.futunn.com/hk/post/9262934?src=3&report_type=market&report_id=154705&level=1&data_ticket=73450892e4a9412e9ea960e1537ba6c3

2021/04/07 14:25  新浪港股

物業股今年漲勢強勁，綠城服務、世茂服務、恆大物業、碧桂園服務等龍頭物業漲超50%。

今日截至發稿，綠城服務漲超10%，新城悦服務漲超9%，濱江服務、世茂服務漲超6%，融創服務、恆大物業等大漲。

中信證券指出，2021年物業管理行業將徹底告別青澀期，迎來發展的黃金機遇期。這不僅意味着政策支持企業市場化做優做強，更意味着存量社區智能化改造方興未艾，科技和管理的提效可能迎來質變，規模化提供品質服務成為可能，單盤盈利模型在更廣闊空間跑通，增值服務在更大的作業面下醖釀提質。我們看好物業管理行業的發展，推薦綠城服務、保利物業、華潤萬象、金科服務、世茂服務、永升生活服務、碧桂園服務、新大正和招商積餘。

Wind數據顯示，二級市場物業板塊營收第一位仍然是碧桂園服務，2020年營業收入高達157.3億元，高出第二位得恆大物業約50億元。第三、四位分別是綠城服務、雅生活服務分別為101.1億元、100.3億元。至此2020年有4家物企營收邁入百億陣營。

2020年對於物業管理行業來説依然是高速增長的一年。其中不乏營收規模翻倍增長，比如世茂服務、華髮物業，雅生活服務營收增速也高達95%。目前只有彩生活及燁星集團營收下滑，分別為-6.44%、-4.5%。Wind數據顯示，目前公佈業績的42家物業股算數平均營業收入增速為39%，加權平均增速為45%。

另一個值得關注的特點是，物業股之間數據差異較大。營收規模超過100億的有4家，30~100億元有9家，10-30億元有16家，10億元以下的小物企有13家，整體而言市場仍然較為分散，營收規模不大的中小物企較多。

編輯/emily