【盤房來料】多事之秋 少做少錯 唔做唔錯

 https://www2.hkej.com/instantnews/market/article/2929365/%E3%80%90%E7%9B%A4%E6%88%BF%E4%BE%86%E6%96%99%E3%80%91%E5%A4%9A%E4%BA%8B%E4%B9%8B%E7%A7%8B+%E5%B0%91%E5%81%9A%E5%B0%91%E9%8C%AF+%E5%94%94%E5%81%9A%E5%94%94%E9%8C%AF

上周五美股反彈，但未有帶動港股喺第四季首個交易日做好，反而因為多個利淡消息而引來沽壓，有消息指美國或宣布再增內地關稅，加上內地電荒問題，及恒大(03333)事件困擾下，第四季開局未如理想。雖然喺北水未回歸下，半日成交只有661.95億元，但指數半日跌逾2%，10月一向係傳統股災月，雖然喺過去十年，港股喺10月份只有兩成時間下跌，但一係唔跌，一跌通常都係跌鑊甘，尤其第三季港股已明顯轉弱，嚟到第四季缸邊友更加提高警覺。

恒指低開96點，報24478點已經係半日高位，開市後跌幅持續擴大，一度跌667點，見23908點半日低位，其後喺24000點水平喘定，中午報收24022點，跌553點，險守二萬四水平。國指則跌212點，報8514點；恒科指失守六千大關，半日跌119點，報收5982點。

藍籌股未至全軍覆沒，恒地(00012)跟百威(01876)半日逆市升0.7%及0.4%，但其他藍籌普遍下跌，當中跌最多係藥明生物(02269)，半日跌7.8%。市場憂慮美國默克藥廠嘅治療covid-19口服新藥對疫苖帶來衝擊，相關疫苖藥股全線下跌，藥明生物跌唔夠8%已算溫和，其他疫苖股跌兩成或以上，當中復星醫藥(02196)跌近兩成，康希諾生物(06185)、開拓藥業(09939)及騰盛等，全部急挫愈兩成。

除咗陷入財因嘅恒大(03333)跟恒大物業(06666)隻隻停牌之外，另二內房股合生創展(00754)亦停牌，有消息指合生創展有意收購恒大物業51%股權，已恒大將失去恒大物業控股股東地位，而交易金額或超過400億元。不過恒大即使成功出售恒大物業控股股權，呢400億都係要嚟還債及應付流動資金需求居多，恒大最終命運如何，暫時仍懸而未決。

不過合生收購恒大物業嘅消息，令其他內房股及物管股獲得支持，合生可以出手400億買恒大物業，即係內房股並非個個都缺水，恒大事件未引發整個產業鏈出現資金緊掘問題。而物管股亦有價有市，難怪物管股逆市向上。

雖然仍有個別板塊逆市向上，但內地仍未復市，而中美貿戰或有可能再度升級，睇嚟呢個10月都係多事之秋，暫時都係少做少錯，唔做唔錯，阿Man選擇多持現金，待情況較為明朗再作定奪。

麥狄文
(徐狄怡‧證監會持牌人)

 

【盤房來料】又係月底結算前挾高 臨近阻力減磅套現

 https://www2.hkej.com/instantnews/stock/article/2835272/%E3%80%90%E7%9B%A4%E6%88%BF%E4%BE%86%E6%96%99%E3%80%91%E5%8F%88%E4%BF%82%E6%9C%88%E5%BA%95%E7%B5%90%E7%AE%97%E5%89%8D%E6%8C%BE%E9%AB%98+%E8%87%A8%E8%BF%91%E9%98%BB%E5%8A%9B%E6%B8%9B%E7%A3%85%E5%A5%97%E7%8F%BE

鮑爺向市場派定心丸，話唔會輕易收水；耶媽又幫手安撫，指通脹可控，華爾街鬆一口氣。，美股隔晚做好，納指跟標指雙雙破頂創收市新高；A股今日做好，帶動港股亦做好，恒指半日升逾300點，重上100日線(28957)；恒科指更升逾2%。恒指高開120點，甫開市已重返29000大關，雖然早段升幅曾縮水得返89點，見28971半日低位。其後A股走高，推動恒指升幅擴大至354點，高見29236點，最終恒指半日揚327點，半日收29210；國指半日報收10846，升168點；恒科指半日升177點，半日報收8217。

藍籌股大部份表現唔錯，港交所(00388)半日升2.7%，暫時剛好升抵100日線前受阻，要再睇有冇本事繼續向上突破。創科(00669)半日彈2.7%，總算守住條100日線，再睇有冇機會上返去140元之上。藥明生物(02269)不愧為阿Man愛股，半日創新高再升1.2%。納指再創新高，本港科技股做好，科網巨頭帶動恒科指跑贏上市。美團(03690)創逾兩個半月新高，半日升近4%。有消息指騰訊(00700)快將落實被重罰100億元人民幣，雖然罰款數目唔嘢少，但總算計清楚條數，陰霾盡除反而令股價有機會翻生，暫時半日升1.8%，仍未重返之前595元配股價之上。阿里(09988)半日升2.2%，小米(01810)反而較落後，但能企穩27元之上都唔錯。快手(01024)獲奧運轉播權，終能止住跌勢，半日升7%，但要重返50日線，即225元水平之上，恐怕唔係咁容易，始終上面太多蟹貨。

內需股今日做好，百威亞太(01876)半日升4.7%，成份股中做得最好，其他內需股升幅至少有2%或以上，而阿Man睇好嘅華潤啤洒(00291)今日升做好，早兩日喺70樓下上車，時間啱啱好。至於醫療股個別發展，藥明創新高，但信達生物(01801)見回吐，不過88-89元又可以一試，大方向都係向好，暫時仍守於多條移動平均線上，20日線即89元有爭持。平安好醫生(01833)早幾日再得到連登契媽旗下基金增持，股價拾級而上，留意阻力為100日線約98.5元，希望呢次靠契媽助力，可重返紅底股之列。

話咁快又一個星期，嚟到星期五都係少做少錯，除非喺觀察名單嘅股份有特價抵買，否則周末前夕都以減倉套現為主，尤其大市已逼近29500點大阻力位，仲要又係臨近結算嚟挾倉，小心期指結算及半年結過後，大市又繼續回復反覆上落悶局。

麥狄文
(徐狄怡‧證監會持牌人)

 

中金：內需股明年看好週黑鴨、頤海、農夫山泉、青啤及百威亞太

 http://hk.jrj.com.cn/2020/12/15152431494318.shtml

中金發表報告表示，內需板塊有望長期受益於內循環加速和消費升級趨勢，展望未來三至五年出現傳統行業龍頭強者恆強，高成長行業與新消費品牌崛起等中長期趨勢。至於明年為後疫情時期，建議優選具備核心競爭力，未來三至五年邏輯清晰且估值相對合理的個股。

　　該行認為，行業有望出現三大趨勢，包括傳統行業如高端白酒、乳品、肉製品、啤酒等，集中度較高且行業格局已基本成型，預期疫情后龍頭企業的市場份額將持續提升；如複合調味料、包裝飲用水、高端啤酒、巴氏奶及奶酪、餐飲供應鍊等，高成長性和確定性或使得細分賽道龍頭高估值成為一段時間內的新常態；以及新消費趨勢，部分符合年輕一代消費新趨勢、具備顛覆性商業思維和運營模式的非上市企業未來三至五年有望登陸資本市場，其中將不乏具備投資價值。

　　報告補充，於H股當中，看好週黑鴨(1458.HK)、頤海國際(1579.HK)、農夫山泉(9633.HK)、青啤(0168.HK)及百威亞太(1876.HK)，均予“跑贏大市”評級。

 

【盤房來料】阿里屋漏兼逢連夜雨

 https://www2.hkej.com/instantnews/stock/article/2636288/%E3%80%90%E7%9B%A4%E6%88%BF%E4%BE%86%E6%96%99%E3%80%91%E9%98%BF%E9%87%8C%E5%B1%8B%E6%BC%8F%E5%85%BC%E9%80%A2%E9%80%A3%E5%A4%9C%E9%9B%A8

即使疫苗距離量產仲要時間，而且亦有副作用，但市場對疫苗仍有憧憬，美股上周全面估做好，三大指數升1%，標指更創收市新高。至於港股呢邊算係咁，不過高開低走唔多爽，人哋日股今早創咗29年高位，依家都仲係挨住高位行。

恒指今早高開205點，早段曾升237點，見26394點半日高，其後回順升幅收窄至只剩34點，低見26191。其後內地今早公布上月工業增加值及固定資產投好過預期，A股帶動下港股再度回升。恒指半日升106點，報26263點；國指半日微跌8點，報收10537點；恒科指半日升94點，報收8034點。

重磅藍籌股個別發展，友邦(01299)跟大笨象(00005)半日上升2.8%及3.2%，銀娛(00027)升3.7%，藍籌之中冧巴溫。侵侵向31家有軍方背景嘅中資企業開槍，中移動(00941)榜上有名，延續上周五跌勢，半日再跌近5%。阿里(09988)屋漏兼逢連夜雨，螞蟻被剎停原因馬雲衰多口，得罪阿爺已經濕滯，家下因為螞蟻撻Q，可能要面對美國股民集體訴訟，雖然上周急挫後有反彈，但明顯乏力，睇嚟有一段時間跑輸其他重磅科技股。至於騰訊(00700)派完成績表暫時冇乜嘢可以沖喜，股價喺600樓上有阻力，尤其上周急跌，夠膽撈貨嘅缸邊友閒閒地贏5-10%，咁短時間有錢落袋梗要沽貨套現。

中日等15國簽RCEP建超級經濟圈，意圖減少西方國家圍堵，而呢份協議有大行指紡織業係最受惠行業之一，相關股份半日有資金追捧，不過咁多紡織股之一，阿Man睇得上眼只有申洲(02313)，半日升3.7%。其他紡織股好似互太(01382)；天虹(02678)炒高及德永佳(00321)等等，平時成交拍烏蠅，市場深度不足，買咗好易走唔甩。

紡織股算冷門都炒上，今日仲炒高埋資源股，呢樣先令到阿Man心寒，由於市場憧憬疫苗面世後，明年經濟大復甦，帶動通脹回升，資源價格自然水漲船高，有資金追捧資源股，整個板塊嘅股份閒閒地升至少6%或以上。講真資源股一向唔係阿Man杯茶，至少資源價格能否隨經濟復甦亦係未知數，應該話經濟能否迅速復甦仲係疑問，要高追資源股就自己執生，阿Man完全無興趣。

恒指服務公司上周五完成季檢，國指九出九入，恒指剔出太古A(00019)一如阿Man預期，本來上次8月份季檢都預佢出局，點知捱多三個月，公司呢段時間仲出售重資產，一副走佬咁款嘅姿態，唔踢佢出局仲跌邊個。至於大熱嘅美團(03690) 唔使再倒灶，今次如市場期染藍；落選N次嘅安踏(02020)亦利獲納入；再加埋上市時已經話遲早染藍嘅百威(01876)亦獲欽點為成份股，美團半日升3.9%，但安踏跟百威則齊齊升6.5%。上周阿Man喺其他平台直播曾推介安踏今次染藍機會大增，之前一直失落藍籌寶座嘅安踏，今日終吐氣湯眉。反而係無估中百威會入選，不過阿Man想當年，百威重磅上市集資額破紀錄，當時亦係睇中佢遲早染藍而推介過，講真內需股作就係有內循環概念支撐股價，但講到增長速度，幾時都係處於成長期嘅新經濟股厲害。

麥狄文
(徐狄怡‧證監會持牌人)

 

蔡金強：阿里登陸在即 優勢太明顯

蔡金強：阿里登陸在即 優勢太明顯

【明報專訊】今天就是國內電商的春節：「雙11」，今年說特別熱鬧，京東、拼多多等將圍毆老大淘寶和天貓，馬道長怎會坐以待斃呢？他是胸有成竹，國內電商阿里巴巴一家獨大之勢已成，能威脅它的是「年輕人」拼多多，京東很明顯已經頹勢已成，劉強東好像已經跟不上腳步。阿里巴巴準備滿滿，正計劃借「雙11」東風，將在香港第二次上市，預計集資最多150億美元（約1170億港元）。據悉，阿里原意為按現時美國股價折讓4%招股，即每股意向價為180.4美元。阿里這次在港上市相當神秘，市場消息欠奉。

小金人聽說阿里巴巴原計劃在8月於香港啟動上市計劃，其後鑑於香港市况不穩和中美貿易戰影響，決定暫緩計劃。由於阿里巴巴毋須做上市推介，一旦獲港交所批准便可隨即招股。根據Dealogic數據，這次將是全球史上最大跨境第二上市交易。

小金人覺得事實上無論是4%還是6%的IPO折讓，香港投資者都值得參與，就怕拿不到貨，阿里在未來中國的經濟發展優勢太明顯了，勁頭十足。反觀騰訊（0700）則是頹勢已現，主要管理層也意興闌珊，鬥志一般。阿里巴巴通過四大業務板塊的佈局，構建了完善的商業操作系統。阿里雲為技術和系統提供基礎設施支持，螞蟻金服提供支付和金融服務支持，阿里媽媽提供營銷服務和數據管理平台，菜鳥網絡提供物流服務。天貓、淘寶、優酷、高德等則提供全面的商業、娛樂、出行等服務。

 

阿里獨大 京東騰訊現頹勢

 

現在中國人口紅利逐漸消退，電商競爭變得極度激烈。可小金人覺得阿里巴巴核心商務還有成長空間，人均GMV和貨幣化率可以繼續提升。整個電商行業看，獲取低線城市用戶仍然是未來一年的主旋律，從上游電商快遞包裹量增速看，2019年前7個月國家郵政局統計的快遞單量同比增長26.20%，包裹量增速依舊強勁。對於阿里這樣的公司廣告費和佣金（合計為電商的貨幣化率），長期看還有較大提升空間。

交叉銷售潛力巨大

雲是阿里在互聯網下半場的主戰場，IaaS* 國內一枝獨秀。2018年阿里巴巴佔全球IaaS市場份額7.7%（排名第三），佔亞太區IaaS市場份額19.6%（排名第一）。根據IDC數據，2019年首季阿里巴巴佔國內IaaS市場額份的43.2%。阿里巴巴已經成為國內第一，全球領先的雲計算龍頭。阿里前幾周剛宣布最近一個季度的業績，明顯超預期。收入同比增長40%到1190億元人民幣，主要是因為核心商業（按年升40%）和雲計算業務（按年升64%）維持較高增長。活躍買家數達到6.93億，單季增加1900萬，略超我們預期。目前阿里巴巴國內零售的活躍買家數已經達到6.93億，但是其中只有25%的用戶使用過零售以外的業務，所以生態內部導流的空間巨大。比如在本季度，39%的外賣新增用戶是從支付寶導流過來的。未來阿里會進一步加大交叉銷售的力度，推出更多的玩法和策略。

 

估值比騰訊美團便宜得多

阿里現在2020年市盈率才20倍出頭，事實上跟其他的消費品股龍頭，無論是茅台、李寧（2331）、國旅、安踏（2020）、海底撈（6862）、海天、頤海（1579）、百威（1876）、華潤啤酒（0291）……或者TMT同業騰訊，美團（3690），拼多多……便宜得多，其未來兩年的盈利增速保持在25%沒啥問題，而且其核心業務又優勢明顯，這種情况你覺得阿里登陸香港玩得過嗎？

 

 

奧陸資本總裁兼投資總監

[蔡金強 奧陸之聲]

 

 

  *基礎設施即服務（英語：Infrastructure as a Service，簡稱IaaS）是提供消費者處理、儲存、網路以及各種基礎運算資源，以部署與執行作業系統或應用程式等各種軟體。