https://www.youtube.com/watch?v=3rni71e5hRU&t=1218s
藥明生物唔怕配股？仲有上升動力？Larry考慮再增持？︱中環財經連線︱Sun Channel︱
嘉賓︰洪龍荃︱20210721
00:00 即將開始
02:13 節目開始
03:21 環球經濟狀況 / 投資策略
09:31 (2269) 藥明生物
20:54 (700) 騰訊控股
23:31 (2313) 申洲國際
31:28 (PTON) Peloton Interactive, Inc.
39:01 (6098) 碧桂園服務
42:02 (9960) 康聖環球 / (2192) 醫脈通
43:33 (1579) 頤海國際
45:45 (13) 和黃醫藥
46:42 (1801) 信達生物
美股有回吐，就業數據理想，或引發聯儲局提早加息，雖然不少聯儲局官員都指通脹係暫時性，貨幣寬鬆政策會維持一段長時間，但市場仍有憂慮，納指顯著跑輸。同時「巴菲特指標」，即將股市總市值除去國內生產總值(GDP)已飆破200%，遠高於去年第二季的187%，表明美股已嚴重高估，響起警告。雖然美股已涉嫌估值過高，但散戶網民一於少理，繼續抱團個別股份，現時專攻網絡安全業務的BlackBerry成最新目標，被投資者認購完股份即日沽出套現嘅AMC，隔晚則急跌兩成。
港股昨日偏軟，今日欲反彈卻受制10日線(29061)，恒指低開128點，早段一度跌228點，見28737，但於20天線(現處28675點)和50天線(約28681點)上有支持，加上A股向好，港股止跌回升，一度倒升57點，高見29023，但無法突破10日線，中午險守29000大關。最終恒指半日收報29007，升41點；國指午造10843，升16點；恒科指半日微升2點，報8166。
藍籌股個別發展，金融股反彈，不過石油股隨油價回吐，百威亞太(01876)半日跌3.5%，成跌幅最大藍籌；相反吉利(00175)半日升7.6%，係最大升幅藍籌，其他汽車股普遍反彈，主要係美國福特汽車生產的電動車銷售佳，帶挈隔晚多隻美股傳統汽車股大升，而向通用汽車及福特供貨的耐世特(01316)也炒高4%。
服裝股及體品股有資金流入，安踏(02020)升1.7%；李寧(02331)升1.1%；特步國際(01368)又創新高，半日飆9.3%；波司登(03998)升3%；OEM公司申洲(02313)升1.9%；裕元(00551)漲1.5%。不過今日唔建議追貨，星期五周末前夕，都係少做少錯。
大市仍維持反覆上落格局，恒指短線喺28300/28500至29300/29500之間上落，資金於不同板塊輪動，暫時單日急升嘅板塊，實在不宜追入，因為資金輪動較之前更快，停留炒作時間更短，十追九伏，呢啲情況選擇先觀察，之前阿Man講過，5月底挾高結算，唔排除結算後又再調整，大市一日未能重上29500-29600企穩，難言轉勢。市況仍舊反覆之際，入場短炒為主，不宜過份進取，建議預留較多現金，留待調整時分段買入優質股。
麥狄文
(徐狄怡‧證監會持牌人)
隔晚美股假期，港股都係睇住內地股市嚟玩。港股今日反覆向好，恒指高開7點，報29159，其後倒跌115點，低見29036；但財新5月PMI好過預期，大市止跌回升，最多升178點，高見29329，臨近午市升勢放緩，最終恒指半日收報29275，升123點；國指中午報收10933，升44點；恒科指跑贏大市，半日升177點。雖然呢幾日港股已成功企穩喺29000水平，可惜沿路上嚟成交都未係好配合，今日半日都係得816.5億元。
藍籌個別發展，金融類股份逆市下跌，除咗大笨象(00005)跌少過1%，其他中資金融股都逆市跌1%或以上，不過友邦(01299)先低後高，半日倒升0.6%。有大行調低申洲(02313)評級，股價半日跌4.5%，藍籌股中跑第尾。
科技股做返好，雖然通脹威脅仍喺度，但美國債息無再升，近日回穩，令資金再度流入增長股。留意返美國個人消費開支物價指數(PCE)喺4月創29年最大增幅，今年內都會高企，通脹數字明年會因財政刺激的邊際作用下降，以及供應逐漸追上需求而減退，商品價格未來半年至一年內亦會緩和，但係通脹憂慮仍會加劇股市波動性，唔好太過大安旨意。反而阿Man最擔心係實質經濟增長步伐，追唔上通脹速度，演變為滯脹，咁就大件事。
不過內地有基金認為雖然科網股，尤其平台股短線仍受行業監管陰霾困擾，但隨住5G、新能源、科技、供應鏈本地化等多個長線結構性機遇，中資科網股中長線仍有不俗投資價值。只係唔好過份樂觀以為年初狂牛光景再現，相關科網股只宜趁調整吸納，不宜高追。
至於噚日爆升嘅三孩概念股普遍回吐，但呢個概念仍有炒作空間，龍頭股錦欣生殖(01951)業績亦大有改善，今年或有被重新估值機會，可於21元以下吼位上車，跌穿20元止蝕，博上面再破頂。
麥狄文
(徐狄怡‧證監會持牌人)
美滙走弱，人民幣強勢吸引外資湧入A股，單係噚日內地股市市值單日大漲1..83萬億人仔，滬深300指數全日飆升3.16%，創去年7月6日以嚟最大單日升幅，亦係自3月8日之後首次升穿100天移動平均線。事實上，A股已經歷咗三個月調整期，調整明顯已屆尾聲。即使美股隔晚回吐，港股今早仍能隨日A股做好。恒指高開145點，重返二萬九水平，開市無耐恒指升幅曾收窄至117點，見29027點半日低位，其後再發力走高，一度升263點，見29174點，創4月29日以來新高。恒指中午報收29117點，升206點；國企指數報10849點，升56點；恒科指升64點，報收8068點。大市已成功收復100日線(28870)，可惜暫時成交仍未算配合，半日只有857.34億元。
藍籌股個別發展，海底撈(06862)得到大摩加持，股價半日升4.7%，為最大升幅藍籌；ATMX續有反彈，美團(03690)跟騰訊(00700)半日分別升3%及1.3%。阿里健康(00241)業績雖然扭虧，但業績表現差過預期，半日跌近7%，藍籌之中表現最差。而連日創新高嘅申洲(02313)跟安踏(02020)創新高後回吐，半日分別跌1.1%及0.1%。
醫藥股個別發展，疫苖股復星醫藥(02196)半日升5.8%；藍籌藥明生物(02269)半日升1.2%，創三個月高位，基石藥業(02616)、東陽光藥(01558)跟遠大醫藥(00512)半日更升逾一成。另一個有突出表現板塊為濠賭股，市場憧憬中港澳三地喺疫情控制得宜下可於短期內通關，如自由行恢復，旅行團等重啟，整個板塊下半年有望跑贏大市，濠賭股今日有資金追捧， 而阿Man心水當然係龍頭銀河娛樂(00027)，股價如能於65元企穩，有望挑戰70元。
長汽(02333)
採納A股股票期權激勵計劃，帶動股價半日升逾6%，可惜仍受制100日線。暫時汽車股只係反彈，仍難回復之前強勢，若然手上仍有高位蟹貨，考慮趁反彈逃生。仲有兩日期指結算，呢幾日大市走勢似曾相識，尤如4月底結算前，指數同樣推高，但結算過後大市再度走軟，今個5月再呈如4月一樣先低後高格局，小心6月又案件重演，5月底結算後，6月初再度走軟，屆時再收集有潛質股份，好過喺呢幾日升市時高追。
加上6月底為半年結，大戶有可能粉飾櫥窗，若然跟4月及5月一樣呈先低後高格局，或者6月初係收集嘅好時機。
麥狄文
(徐狄怡‧證監會持牌人)
美國肺炎疫苗接種工作持續進行，進度尚算理想，市場對於經濟全面重啟感到樂觀，隔晚美股三大指數上升；當中出行股包括航空股及郵輪股全面向上，表現較為突出。雖然美股喺前幾個星期以嚟，跌咗四個星期，但道指及標指喺呢段調整時間之中，只係分別跌咗0.5%及0.4%，屬於相當健康嘅整固，而調整幅度較大嘅股份，都係一批估值較為昂貴嘅股份，反映市場發展健康，美股並未出現任何泡沫。唔單止美股靚仔返，A股亦抽高做好，兩大股市護航下，港股今日一口氣收復20日(28504點)及50日線(28658點)。
恒指高開49點，28461點成為半日低位，A股反覆做好，帶動港股順利升穿20及50日線，一度升近400點，見28802點半日高位，同樣係超過兩星期高位，恒指半日收市升358點，報收28770點；國指中午報收10742點，升101點；恒科指半日升90點，報收7967點。
今日升市火車頭都係阿Man心頭好，包括騰訊(00700)、藥明生物(02269)及小米(01810)，合共貢獻恒指203點，三股半日均升逾4%，藥明生物半日升5.7%係半日表現最好藍籌股；其他重磅藍籌普遍向上。安踏(02020)跟申洲(02313)半日創新高，半日升3.1%及1.5%，只有大笨象(00005)半日逆市跌0.3%。要數表現最差嘅藍籌，肯定係公布咗季績嘅中生製藥(01177)，開市一度爆升7.1%，半日倒跌3.2%，咁樣高開低走，幅圖相當難睇。
A股漸入佳境，近日表現愈戰愈勇，帶動內地券商股落鑊，升幅由1.4%至6.5%，當然係龍頭中金(03908)跟中信建投(06066)雙雙升逾6%。不過阿Man真係有啲忌諱，餐餐炒到呢個板塊，大市升勢就會窒住，真心想今次可以打破宿命，因為整體大市已呆滯咗一段唔短時間，所謂五窮月並未算太窮，亦嚟到尾升，六絕月會唔會走上絕路，真係要睇睇星期五期指結算後，大市能否進一步向上突破。
配股潮並未有因為五窮月而停落嚟，剛被欽點將為藍籌新貴嘅碧桂園服務(06098)趁股價喺接近高位配股集資，雖然中午跌1.7%，但暫時仍守住配股價。不過下月碧服被納入成份股，屆時有追蹤指數基金入貨，有助托住股價。科技股微盟(02013)亦配股集資，中午仍升2.7%，主要係因為微盟早已較高位大幅回落超過五成，喺接近呢幾個月低位先批股，再下跌空間有限，可以話微盟目前配股夠穩陣，但同樣公司真係唔夠醒目，唔識喺高位集資，同樣嘅集資額，可以配少一半股份，攤薄效應亦較細。
麥狄文
(徐狄怡‧證監會持牌人)
要數到今年其中一個投資熱話，定必包括ESG投資。如果我想投資到ESG，又可以選擇什麼ETF及基金呢？
ESG是指環境（E, Environmental）、社會（S, Social）、企業管治（G, Governance）。投資者如想投資ESG主題，又可以買什麼基金？根據證監會網頁，共有逾50隻ESG基金供投資者選擇，就好像法巴能源轉型基金、安聯綠色債券基金及景順能源轉型基金等。
如考慮買入ETF，可選擇海通MSCI中國A股ESG ETF（3031），這隻ETF追蹤MSCI中國A股ESG通用指數，選股時會按ESG評分剔走具爭議性及重大違規公司。同時，Global X 中國潔淨能源 ETF（2809）以及嘉實中證滬深 300 ESG 領先指數ETF（3108）亦供投資者選擇。
如想直接買個股，則可參考摩根大通發表的《亞太區環保、社會責任和公司治理》投資主題報告，該行試從相關主題挑選出13隻首選股，其中包括7隻港股：中國平安（2318）、中電（0002）、金山軟體（3888）、申洲國際（2313）、藥明生物（2269）、太古地產（1972）、吉利（0175）。其他地區上市股份方面，則包括台灣的台積電、長榮海運、台灣大哥大、泰國的皇象水泥、韓國的愛茉莉太平及印尼的人民銀行。
事實上，ESG投資越來越熱門。根據Morningstar統計，2020年永續投資及ESG概念基金資金流入與資產規模均大幅成長。2020年第4季全球永續概念基金吸引1,523億美金的資金淨流入，相較上一季的826億美元增長88%，其中歐洲佔79.3%、其次為美國，佔13.4%，世界其他地區（包含加拿大、澳洲、紐西蘭與亞洲）也快速成長。由於資金流入及資產上漲，2020年第4季全球永續概念基金資產規模也由上一季的1.28萬億美元成長29%至1.65萬億美元。
一）疫情持續及極端天氣的出現，令到各國政府、公營基金、機構投資者以及一般散戶，均更加重視環境、社會及企業管治因素，變相這類投資成為公司發展的重要一環。
二）ESG較容易成為各國協商的共同話題。雖然中美關係仍緊張，但改善氣候仍是多國共同目標，如美國重返《巴黎協定》，中國承諾中國2030年碳排放量將比2005年減低至少65%，2060年實現碳中和。即是說，相關投資所遇到阻力會相對較細。
ESG投資正在急速擴張，你會參與其中嗎？
編輯/製圖：Market Digest
本港新舊經濟股今年表現南轅北轍，資金一直追逐新經濟股，但隨着近日疫苗研發取得突破，經濟重回正軌的預期提升，臨近年尾，舊經濟價值股頓成市場「新寵」。有「冠軍基金經理」之稱的行健資產管理首席投資總監蔡雅頌接受本報專訪時表示，增長股與價值股之間的板塊輪動料於未來6至12個月不斷出現，惟資金回流價值股只是短暫；又指疫情遏抑了內地消費，當儲蓄率回歸常態時，消費力的釋放將較市場想像中強勁，消費股有很多投資機會。他提醒，由於今年投資者大多獲利甚豐，愈近年底愈傾向鎖定利潤，波動性亦會增加。
行健蔡雅頌料內需股勁彈
價值股「狼來了」的故事在過去數年不斷出現，但是隨着疫苗即將面世，經濟復甦預期上升，價值股「翻生」的討論再次充斥市場。
蔡雅頌認為，決定投資增長股或價值股，估值並非唯一考慮，同時要研究未來是否有良好增長態勢，以及股本回報率（ROE）有否改善。
以銀行股為例，估值偏低是因為市場知道其ROE呈現長期下降的趨勢，如果這趨勢無變，估值修復只是短暫，難以持續，最終亦不會有資金一直追逐這些公司。
「增長股升高了，投資者怕大幅回吐，（資金）便泊入傳統公司，像是避險或先行獲利，所以傳統公司股價會有一輪彈跳；然而，當增長股彈得更厲害，資金又會轉戰增長股，形成循環。」他預計，這個情況在未來6至12個月會不斷重演，「每一次發生後，大家會發現僅暫時性，高增長高估值的公司如果屬優質，資金又會回流。」
在這情況下，他建議要選擇一些市場未充分反映其內在價值的公司，特點是管理層較優勝，以及處於較有前景的行業中，而市場總是充斥着機會。
蔡雅頌尤其看好消費板塊，因為疫情遏抑內地消費，當儲蓄率回歸常態時，再疊加人均GDP增長，以及預期人民幣長遠升值，內地未來消費能力的釋放，將會較市場想像中強勁。
他續稱，兩年前中美貿易戰開打時，市場曾出現不少內地消費降級的聲音，惟他一直不同意，「世界不會走回頭路，不論市場升或跌，消費者都不會捨用5G手機，而改用4G手機，說消費降級的人是不了解人性，你不一定要買這類型消費公司，但必須細心研究。」
利潤已豐 年尾止賺增波動
今年投資者可謂獲利甚豐，旗下組合動輒錄幾成升幅，蔡雅頌提醒，愈近年尾，投資者很大機會開始先沽貨止賺，市場波動性亦會增加，「稍為出現預計不到的風險，便會鎖定盈利，今年若賺50%或100%以上，縱回調5%至10%仍有很好回報，投資者不會忍手沽貨。」
此外，他笑謂，今年有些股票走得比較快，股價一般是反映12個月後發生的事，惟現時個別股票已反映24個月，甚至36個月後的事，特別是TMT（科技、媒體和通訊）板塊，「不是說這些公司沒有將來，而是股價已反映了許多，你作為後來者買入，風險很高。」
蔡雅頌素有「冠軍基金經理」之稱，早年任職惠理（00806）時，其主理的惠理中華ABH基金在2000至2007年7年間共錄逾9倍回報；2009年自立門戶後亦帶領行健贏得多個獎項，他管理的其中一隻行健宏揚中國基金，截至今年10月底，基金資產淨值20.71億港元，回報達30.19%。
採訪、撰文：張浚浩
即使疫苗距離量產仲要時間，而且亦有副作用，但市場對疫苗仍有憧憬，美股上周全面估做好，三大指數升1%，標指更創收市新高。至於港股呢邊算係咁，不過高開低走唔多爽，人哋日股今早創咗29年高位，依家都仲係挨住高位行。
恒指今早高開205點，早段曾升237點，見26394點半日高，其後回順升幅收窄至只剩34點，低見26191。其後內地今早公布上月工業增加值及固定資產投好過預期，A股帶動下港股再度回升。恒指半日升106點，報26263點；國指半日微跌8點，報收10537點；恒科指半日升94點，報收8034點。
重磅藍籌股個別發展，友邦(01299)跟大笨象(00005)半日上升2.8%及3.2%，銀娛(00027)升3.7%，藍籌之中冧巴溫。侵侵向31家有軍方背景嘅中資企業開槍，中移動(00941)榜上有名，延續上周五跌勢，半日再跌近5%。阿里(09988)屋漏兼逢連夜雨，螞蟻被剎停原因馬雲衰多口，得罪阿爺已經濕滯，家下因為螞蟻撻Q，可能要面對美國股民集體訴訟，雖然上周急挫後有反彈，但明顯乏力，睇嚟有一段時間跑輸其他重磅科技股。至於騰訊(00700)派完成績表暫時冇乜嘢可以沖喜，股價喺600樓上有阻力，尤其上周急跌，夠膽撈貨嘅缸邊友閒閒地贏5-10%，咁短時間有錢落袋梗要沽貨套現。
中日等15國簽RCEP建超級經濟圈，意圖減少西方國家圍堵，而呢份協議有大行指紡織業係最受惠行業之一，相關股份半日有資金追捧，不過咁多紡織股之一，阿Man睇得上眼只有申洲(02313)，半日升3.7%。其他紡織股好似互太(01382)；天虹(02678)炒高及德永佳(00321)等等，平時成交拍烏蠅，市場深度不足，買咗好易走唔甩。
紡織股算冷門都炒上，今日仲炒高埋資源股，呢樣先令到阿Man心寒，由於市場憧憬疫苗面世後，明年經濟大復甦，帶動通脹回升，資源價格自然水漲船高，有資金追捧資源股，整個板塊嘅股份閒閒地升至少6%或以上。講真資源股一向唔係阿Man杯茶，至少資源價格能否隨經濟復甦亦係未知數，應該話經濟能否迅速復甦仲係疑問，要高追資源股就自己執生，阿Man完全無興趣。
恒指服務公司上周五完成季檢，國指九出九入，恒指剔出太古A(00019)一如阿Man預期，本來上次8月份季檢都預佢出局，點知捱多三個月，公司呢段時間仲出售重資產，一副走佬咁款嘅姿態，唔踢佢出局仲跌邊個。至於大熱嘅美團(03690) 唔使再倒灶，今次如市場期染藍；落選N次嘅安踏(02020)亦利獲納入；再加埋上市時已經話遲早染藍嘅百威(01876)亦獲欽點為成份股，美團半日升3.9%，但安踏跟百威則齊齊升6.5%。上周阿Man喺其他平台直播曾推介安踏今次染藍機會大增，之前一直失落藍籌寶座嘅安踏，今日終吐氣湯眉。反而係無估中百威會入選，不過阿Man想當年，百威重磅上市集資額破紀錄，當時亦係睇中佢遲早染藍而推介過，講真內需股作就係有內循環概念支撐股價，但講到增長速度，幾時都係處於成長期嘅新經濟股厲害。
麥狄文
(徐狄怡‧證監會持牌人)
