信報 英眼狙擊
鬥氣注定一世窮 黃金夢適可而止
黃金今年首季可算是最令人失望的資產類別，無論美元強弱，股市升跌都無力，去到後期，即使通脹預期重燃，金價依舊未能振作。不可不信邪，香港那股東方神秘力量的確極之強大。筆者作為財經解釋員，當然有黃金弱勢理論可出賣。第一是虛擬資產崛起，一早講過小注買比特幣（Bitcoin）勝過大注買黃金，結果一邊倍升，另一邊打九折，勢頭完全傾斜。新一代資金話事人思想叛逆，無謂推高金價益老一輩既得利益者，形成強弱懸殊現象。
虛擬貨幣愈來愈多機構接受之外，近期外國NFT（non - fungible token）由NBA top shot帶動潮流入屋，愈來愈火紅。虛擬資產市場急速增長，相比之下，實物資產就備受冷落。
第二是投資者成熟，幾隻貴金屬之間的相對強弱，對金價也有影響。白銀今年一度成為市場主角，升勢雖然曇花一現，但對比黃金依然強勢。以筆者為例，亦只是持有鉑金，博沉淪10年後可憑藉氫能電池概念東山再起。黃金本身欠缺工業用途，既然其他貴金屬可以兼具抵抗通脹的作用，多年來又大幅落後黃金，值博率自然較高，有些投資者可能做平行交易，沽金買白銀買鉑金，幫手壓住金價。
事到如今，黃金已經棄之可惜。假如持倉比例並非太高，當作資產配置死守也沒有所謂，筆者私人亦是如此處理。重點是要有自知之明，既然當初睇唔到第一季跌勢，又何來有把握金價在幾個月內重振聲威，然後一廂情願盲目再加倉。預測巿場走勢，必定有時啱有時錯，可是贏就贏少少，輸就死不服氣一路將錯誤放大，這種自大心態才是真正致命死因。假如對黃金仍有幻想，記住適可而止，鬥氣幾乎注定一世窮。
基金持有BitcoinXB、鉑金期貨
豐盛金融資產管理董事
#信報 #英眼狙擊 #英sir
沒有留言:
張貼留言