"貓奴" 的生活札記: 【轉戰白銀】美國散戶嘅史詩式「挾淡倉」行動，由美股擴展至貴金屬「白銀」，仲帶挈埋港股相關股份。

2021年2月1日星期一

【轉戰白銀】美國散戶嘅史詩式「挾淡倉」行動，由美股擴展至貴金屬「白銀」，仲帶挈埋港股相關股份。

白銀上周收市已上漲近6%，今早(1/2)開市一度突破每盎司29美元，創五個月新高。

港股相關股亦爆炒，金貓銀貓(1815)最多急升76%，創逾一年新高；中國白銀集團(0815)最多升34%，創五個月新高。

上星期美國散戶狂挾GameStop(GME)等股份，俾交易平台同券商限制交易，嬲嬲豬之際，有Reddit論壇用戶號召，將「目標」轉至白銀，因為白銀係操縱最嚴重嘅市場之一，銀行一直人為地將白銀價格壓低，掩蓋白銀供應短缺的問題。

其實銀價喺1月中開始已見升勢，由每盎司約24美元，升至上星期近27美元。

有分析認為，銀價出現極端情況，無咩基本理據支持，就算出現挾淡倉，影響都唔會持久，最終工業同投資機構嘅需求至係長期關鍵因素。