https://www.facebook.com/chingbing888/posts/3411765988874340
今星期青冰會留意以下嘅事:
1) 今日日清(1475)會出業績，佢哋習慣中午出嘅，到時要留意，但母公司日本日清食品在月初已經出了業績，市場大概都心裡有數，更值得注視的係，大和點睇，會不會調高目標價。
2) 聽講百勝中國(9987)星期二就會招股，這些有ADR的中概股，之前都解釋過，升幅有限，加上農夫已經抽走晒啲資金，相信都係疊埋心水，現金抽吓，博個下午茶餐就算了。
3) 恒指公司上周五發了通告，指未能確定B股是否符合互聯互通資格，所以暫時不納入恒生港股通指數，既然有update，合理推測就是已經跟內地溝通過，知道真係唔入囉，跟青冰早前的估計一樣。
4) 本星期五收市後，恒指將進行rebalancing，三出三入，相信當日成交將大增，由於今次牽涉的比重較大，所有成份股都會有啲郁動，平時成交多的，會郁得相對少嘅，反之亦然。
5) 滬深交易所亦都會下星期一開市前，正式公佈港股通標的調整，按以往經驗，上交所會在星期五港股收市後公佈，深交所就會在下星期一港股開市前，前者會納入恒生綜合指數的大中型股，後者就大中小都會入，今次小型股佔多數，睇怕都要等下星期一開市前再睇喇，但青冰早前已分析過，戰友可睇返舊文啦。
沒有留言:
張貼留言