https://hksmedia.com/article/138748/
圓通速遞國際（06123.HK）準備星期三（明日）公布業績，公司此前發完盈喜後，再上調盈喜預測，由原本預測中期純利升10倍，上調至升14倍以上，即中期賺逾7700萬元。6123上一次發盈喜一度挑戰2.5元水平，高見2.49元，不妨現價撈底，預炒聽日份業績。
6123講明自己係疫情受惠股，公司盈喜全因歐美地區受疫情影響下，對於健康及醫療用品的需求大幅上升。
據聯合國的貿易統計數據顯示，口罩、醫用外罩、防護服、防護鏡等防疫用品於上半年貿易額急劇增加。全球進口對中國的依賴程度從1月的59%（平均值）提高到5月份的83%。
6123借今次商機成功搶佔市場，睇返當年圓通以高價4.0698元入主6123，全力搶攻「一帶一路」等海外市場，現價只係當年半價水平，夠晒抵博，上返圓通入場價已經有成倍升幅。
公司近期終於守得雲開，按今次盈喜計，一年可望賺逾億元，市盈率不過8倍左右，睇返母公司圓通市盈率高達28倍，大龍頭順豐更加係89倍！
近年宅經濟抬頭，網上消費帶動下，快遞股一般市盈率都超過20倍，即係話6123要追返其他快遞股嘅市盈率，合理身價隨時講緊20億樓上，每股作價達4.8元。
沒有留言:
張貼留言