Tesla走寶苦主大檢閱

Tesla走寶苦主大檢閱

去年第四季減持99.5% Tesla持股，按市價計價值超過70億美元。觸發沙特共同基金衝動減持似乎係因為Tesla掌舵人馬斯克之前的私有化風波，沙特共同基金正係在馬斯克與SEC達成和解後甩貨跳船，明顯係被馬斯克神經刀管理風格嚇怕了，結果錯失今年的鑽石賺錢機會。

巴菲特走寶

第二名苦主應該係巴菲特，作為老派投資者兼生意人，巴菲特自然對馬斯克做生意風格頗有意見。他雖然認同馬斯克係一名了不起的人，但同時狠批馬斯克經常在推特發文不利汽車生產，講得難聽啲就係不事生產。當馬斯克揚言Tesla要推出自家汽車保，巴菲特亦即時唱淡，表示車企搞保險成功率等於保險業去整汽車，意思係有違不熟不做原則。年前Tesla陷入困境時，市場有建議蘋果可出手收購Tesla直接進軍汽車業，但作為蘋果大股東，巴菲特表明反對，原因係從巴郡投資比亞迪經驗，車企較其他技術型產業更難保持長期競爭優勢。

.

正正因為巴菲特表態，蘋果就成為第三名苦主。其實巴菲特憂慮汽車行業競爭激烈，蘋果核心手機業務亦年年面對同樣挑戰，但即使經歷iPhone XS低潮，蘋果近期仍能靠iPhone 11翻身。蘋果可以靠品牌、工藝及技術優勢維持競爭力，Tesla亦有相若的條件，關鍵在於Tesla有一名具魅力但太神經刀的CEO。這問題蘋果Tim Cook應該最明白，皆因當年Steve Jobs都係言論惹火，但因為有Tim Cook搞營運，蘋果業務擴張及生產規模可以持續提升。既然有此經驗，蘋果收購Tesla後，Tim Cook可以委派得力手下接掌營運，把馬斯克升上神檯，Tesla就可能更有機會成為汽車界中的蘋果，蘋果亦可以減少只靠賣手機收入的經營壓力。

不過理想歸理想，巴菲特係價值投資者，Tim Cook係超級數佬，在他們心目中Tesla財困時股價都嫌太高，犯不著冒這個險。或許巴菲特及Tim Cook將來與馬斯克合作，分別代理汽車保險及把蘋果娛樂服務融入Tesla汽車系列中，才符合他們做生意之道吧。