🔻🔽🔽
Link for pre-registration
上帝用7日創造世界，80後港人唐先生就花了14日開設港產口罩生產線。他是電影人，與幾位電影業朋友花私己錢投資港產口罩，搶物料搶機械，投資額由200萬元升至逾500萬元，過程膽戰心驚，最終擦一額汗，以「口罩工廠Mask Factory」之名創造港產口罩。
《蘋果》記者本周直擊工廠，見證一個港產口罩的誕生，3種布叠壓切，唔使一秒生產一個。他坦言，「等得政府嚟，我自己都生產咗」，日前工場有一條生產線，初步預計日產量逾7萬個口罩，口罩最平一個賣一元，首批口罩將送贈醫護、長者、清潔工等等。
「等得政府嚟，我自己都生產咗」
記者日前直擊位於屯門「口罩工廠」生產線，佔地約7,000方呎，前身是食品加工場。廠房大致設兩個關卡，甫入廠房穿鞋套，然後入面有一間約2,500方呎的無塵工作間。進入無塵工作間需要穿上防靜電服、眼罩、頭套及耳套，其中耳套是減輕生產過程的超聲波對耳朵造成的影響。生產線有兩名技術員操作，啟動後，3種無紡布，包括外層防水、中層過濾、內層吸水，叠起後再連夾實鼻樑位鐵線，經超聲波焊接後，切割成形，最後上耳線。最快不用一秒就完成一個口罩，不過暫時試產階段，直擊時機械曾經卡機一次。若操作順利，每分鐘可生產80至100個口罩，暫時保守估計日產量逾7萬，計劃日後24小時運作，日產量可望超過10萬個口罩。
看似幾個簡單工序，其實唐先生由零開始。早前接受本報訪問講到自己從世界各地以高幾倍價錢搶料、搶機，由農曆年初十（2月3日）開始部署，及後落手行動訂購口罩機及原料，到2月16日生產線試行投產，兩周時間過程披荊斬棘。
唐先指，2月6日從印度以高近5倍價錢搶購生產機，「原先標價數十萬元，最終以超過100萬元購入。」同一時間亦開始搵口罩材料，以及物色工廠廠房生產。
口罩機原定2月12日直飛香港，卻錯過原定航班，「好大壓力，嗰幾晚都無瞓到覺！」、「我日日都諗緊嗰幾十萬（定金）會唔會俾人呃咗！」延遲雖然是一天，但唐先生感覺像千年，「好啦唔直航，變轉機，一直睇住班機，落地再轉機嗰下又delay，因為我哋件貨太大，要轉去第二部飛機，睇到成功上機啦！唯一最驚，頂你個肺，會唔會空難呢？」
「資金無政黨 全部係電影人嘅私己錢」
生產機械2月13日到香港，翌日口罩原材料亦到埗。唐生於2月12日千辛萬苦搵到無塵工作間，業主還支持到未收按金已交場，但發現工廠升降機載不到機械入廠房，於是花錢聘用吊機，把它由外吊入內，當時他想到原來廠房都十幾層樓高，「吊車大佬好支持我哋，換咗部最勁嘅吊車，確保安全，拍晒心口：『我吊緊幾百噸都係咁吊呀，唔使驚！』」
好人一生平安，萬事俱備只欠員工，在網上發文招聘，負責請人的廠長胡先生成為網民瘋狂追尋人物，又被網民質疑他們的背景及資金來源。其後又因廠長兒子把廠房相片流出，一度誤傳是港視（1137）創辦人王維基訂購的機械已運抵香港。唐生澄清：「我哋工聯會？一定唔係啦！其實我哋嘅資金上次點解未講到呢，因為成件事都未成功。點解唔想講，因為唔想將電影同口罩呢兩樣嘢掛鈎，有啲譁眾取寵，即係『電影人走嚟搞口罩』。喺未搞到呢件事前，我哋唔敢講，因為做唔到都幾無面。我哋想完成咗，做好晒，先話畀人聽。」他補充：「我哋資金無政黨，所有嘅機構、團體都無，全部都係我哋電影人嘅私己錢。」
「口罩工廠」日產逾7萬個口罩 「唔係發國難財」
他補充，計及口罩機約120萬元，口罩其他原材源亦斥資150萬元，連同租金及人工開支等，估計投資額超過500萬元。
唐生預期，口罩定價最平一個一元，另外還有兩款選用阻隔力更強、成本較高的口罩，暫時定價每個分別為1.5元及2元，將會透過網上銷售。每個賣一元是否蝕住做？唐先生坦言：「每個賣一蚊呢，物料錢我哋返到嚟，但如果包埋租金、營運可能有機會蝕。但如果賣到每個1.5元，就有機會賺到。」
一罩難求，製造口罩是否發國難財，他直言：「我哋唔係發國難財，成個計劃一早就係會將第一批貨捐出去」，捐贈對象是目前最有需要人士，包括醫護人員、長者及清潔工，將會成立義工團派發。目前物料預計可以生產最多1,500萬個口罩，他已委聘檢測公司為其生產口罩進行驗證，最快14至20天內獲得報告。口罩通過檢測後，預期3月初正式發售。
記者:陳家雄
影片
採訪：陳家雄、張嘉鎣
編撰、旁白：張嘉鎣
攝影：Gary
剪接、後期：張嘉富
編審：倪敏慧
廠房大致設兩個關卡，甫入廠房穿鞋套，然後入面有一間約2,500方呎的無塵工作間。
記者直擊「口廠工廠」生產線。
3種無紡布，包括外層防水、中層過灑、內層吸水，叠起後再連夾實鼻橾鐵線，經超聲波焊接。
口罩經超聲波焊接後切割成形。
最後上耳線， 最快不用一秒就完成一個口罩。
若操作順利，每分鐘可生產80至100個口罩。
80後港人唐先生就花了14日開設港產口罩生產線。
*************************************************
「大眾對口罩生產線及訂購平台疑問」的回應
致睇緊呢個網嘅各位：
本文未能以非常正式嘅行文，就「大眾對口罩生產線及訂購平台疑問」作出更進一步嘅資訊發放，惟以下內容懇請各位細心閱讀。
首先，由於人手關係，恕我哋暫時未能有效回應各大傳媒及公眾嘅查詢。對於市面上各種揣測，我哋在此綜合回覆。由於成個 Project 都係運行咗一個月左右，人腳都未齊。如有任何不足，還望見諒。的確，我哋本來唔係口罩公司，我哋只係一間準口罩生產公司。點解背景咁少都要做？因為我哋太蠢，見到市面乜都搶一餐，就做左呢件事。搶唔到咪自己做囉！
至於有關呢間公司，我哋都係從佢哋過往嘅 job reference 去判斷，相信佢哋有能力實踐佢哋提出嘅方案，惠及嘅係香港人。
至於，點解要對身分證？除咗呢個「香港身分證」，我哋仲可以點証明自己係「香港人」？又點先做到港人優先？經過建議，我哋接納咗喺非常時期嘅訂購，需要有以下資料：
必須澄清一點，我哋講嘅「退訂單」係講緊客戶主動提出取消訂單，而唔係我哋無端端取消客戶嘅訂單。我哋平台透過第三方收款平台 Stripe 收錢，平台收我哋嘅手續費係無得退。跟住就係簡單嘅邏輯，我諗大家都諗到點解退錢退唔到手續費，因為我地無大靠山。單純係希望真係有需要嘅人可以更直接買到口罩。
好唔想咁講，但其實我地都好攰。全世界都搶，無物資搶物資，買物資要比人搶錢，究竟人性本善？定人性自私？如果我地十年前就做緊，我諗今日一定大開糧倉，唔洗見到一幕幕搶口罩，食白果嘅新聞片段。對於點解註冊咗幾日，咪就係新手入場囉！
點解要辛苦自己做，仲要回應咁多輿論？只係想講，香港係可以本土提供需要嘅生産，點解仲要炒？如果我地有預知就應該唔係註冊左幾日就出街。
我哋唔會有facebook，亦唔會有ig，我哋只係得呢個 https://madeinhk.hk 嘅平台，我哋唔係要宣傳賣大錢。市面上有需要嘅人好多，但能夠買到口罩嘅渠道好少。我哋可以做嘅只係一個平台，唔洗排隊，預約購買。希望做出嚟係真香港市面面世。
開發商係被迫嘅情況下，用最快嘅方法幫手 launch 咗出市面，等各位可以知道即將會推出一個口罩訂購平台。如果有任何處理不當，請各位前輩指點。(只能說市場太多潛規則)
稍後我哋會迫個開發商整多份查家宅嘅 enquiry form。你想問乜都好，個 form 係直接 post 喺網上。有乜都好，我哋答到會盡答，100% 透明度，全世界都望住你問乜我答乜。
大家實好好奇點解會開始緊，都怪老闆聽埋我哋啲苦口婆心嘅人話，喺荷包拎咗一部份嘅起步資金，令我哋喺起跑線到行前兩步，喺有限嘅資源上扯爛塊面咁搵其他資源。
最後，係蜘蛛俠入面一句說話「能力越大，責任越大」，原諒我哋並無好大嘅能力，只希望，能夠做嘅就盡力做，唔好令自己後悔，唔好令人生白過。另外，如果做好事係需要有好長遠嘅「好人背景」。對唔住，咁我哋唔係「好人」，我哋只係普通嘅香港人。
姆指科技有限公司
ETHUMB TECHNOLOGY LIMITED
二零二零 年 二 月 廿四 日
本文未能以非常正式嘅行文，就「大眾對口罩生產線及訂購平台疑問」作出更進一步嘅資訊發放，惟以下內容懇請各位細心閱讀。
首先，由於人手關係，恕我哋暫時未能有效回應各大傳媒及公眾嘅查詢。對於市面上各種揣測，我哋在此綜合回覆。由於成個 Project 都係運行咗一個月左右，人腳都未齊。如有任何不足，還望見諒。的確，我哋本來唔係口罩公司，我哋只係一間準口罩生產公司。點解背景咁少都要做？因為我哋太蠢，見到市面乜都搶一餐，就做左呢件事。搶唔到咪自己做囉！
一、回應「網站系統開發商」事宜
本網站的製作開發公司為 Innovation Network & Design (Group) Limited。感謝佢哋係磋商一星期，乜都未落實嘅時候，已經答應為呢個 Project 做顧問同開發。對於背後點解要選擇呢間公司，因為我哋係同時間競賽，眼見一次又一次搶唔到口罩，天寒地凍要早一晚排隊等「食白果」，有邊個甘心係世界最繁榮城市之一嘅香港生活，係要折墮到咁呢？呢個開發商嘅同事喺好短時間為我哋提供咗一個合理嘅方案，我哋係咪仲要等？至於有關呢間公司，我哋都係從佢哋過往嘅 job reference 去判斷，相信佢哋有能力實踐佢哋提出嘅方案，惠及嘅係香港人。
二、回應「要核對身分證先買得」事宜
社會有好多有錢人可以買起晒所有口罩，所有物資可以比人屯積居奇。市民點解要去搶？口罩、酒精、食米，連廁紙都唔放過，個社會係咪病咗？至於，點解要對身分證？除咗呢個「香港身分證」，我哋仲可以點証明自己係「香港人」？又點先做到港人優先？經過建議，我哋接納咗喺非常時期嘅訂購，需要有以下資料：
- 個人全名，中英文皆可，並需與身分證相同
- 香港身分證頭 4 位，以便提貨時核對訂購者本人
- 聯絡電郵，以便收取提貨QR-code
- 電話號碼，以便任何特別安排可以立即通知
三、回應「退訂單但唔退手續費」事宜
張單嘅錢唔係直接由我哋收錢。為咗減輕人手嘅工作同行政成本，我哋暫時無可能做到當面一手交錢一手交貨，就此舉作出致歉。希望之後可以提供更多元嘅付款方式。必須澄清一點，我哋講嘅「退訂單」係講緊客戶主動提出取消訂單，而唔係我哋無端端取消客戶嘅訂單。我哋平台透過第三方收款平台 Stripe 收錢，平台收我哋嘅手續費係無得退。跟住就係簡單嘅邏輯，我諗大家都諗到點解退錢退唔到手續費，因為我地無大靠山。單純係希望真係有需要嘅人可以更直接買到口罩。
四、回應「註冊咗 幾日就出黎」事宜
首先，多謝各位就我地註冊左幾日都可以有noise，本身仲諗住點先可以有人知。好唔想咁講，但其實我地都好攰。全世界都搶，無物資搶物資，買物資要比人搶錢，究竟人性本善？定人性自私？如果我地十年前就做緊，我諗今日一定大開糧倉，唔洗見到一幕幕搶口罩，食白果嘅新聞片段。對於點解註冊咗幾日，咪就係新手入場囉！
點解要辛苦自己做，仲要回應咁多輿論？只係想講，香港係可以本土提供需要嘅生産，點解仲要炒？如果我地有預知就應該唔係註冊左幾日就出街。
我哋唔會有facebook，亦唔會有ig，我哋只係得呢個 https://madeinhk.hk 嘅平台，我哋唔係要宣傳賣大錢。市面上有需要嘅人好多，但能夠買到口罩嘅渠道好少。我哋可以做嘅只係一個平台，唔洗排隊，預約購買。希望做出嚟係真香港市面面世。
開發商係被迫嘅情況下，用最快嘅方法幫手 launch 咗出市面，等各位可以知道即將會推出一個口罩訂購平台。如果有任何處理不當，請各位前輩指點。(只能說市場太多潛規則)
五、回應「無地址無聯絡資料」事宜
我諗呢個時候，首先要有 reception 姐姐，要有個靚靚嘅門面，開晒啲 social media，拍晒片，有晒 YouTube subscription，噤埋隔離個啷啷，做好晒所有功夫先出街，我諗大家可以2046 先見我哋面世。稍後我哋會迫個開發商整多份查家宅嘅 enquiry form。你想問乜都好，個 form 係直接 post 喺網上。有乜都好，我哋答到會盡答，100% 透明度，全世界都望住你問乜我答乜。
六、回應「同乜人有關係」事宜
100% 老老實實講，如果有關係，我諗我哋唔係係到回應大家。sorry，我地連問政府抗疫基金拎個崩嘅門都入唔到，利益輸送？我哋都想，至少唔係 no stake of 呢個 society 。大家實好好奇點解會開始緊，都怪老闆聽埋我哋啲苦口婆心嘅人話，喺荷包拎咗一部份嘅起步資金，令我哋喺起跑線到行前兩步，喺有限嘅資源上扯爛塊面咁搵其他資源。
七、回應「公司已經清盤」事宜
其實，公司全名係 姆指科技有限公司 ETHUMB TECHNOLOGY LIMITED（成立日期：2015-02-12），希望大家注意。
（完）
姆指科技有限公司
ETHUMB TECHNOLOGY LIMITED
二零二零 年 二 月 廿四 日
沒有留言:
張貼留言