美國聯儲局維持息率不變，再加強暫緩加息的訊號。中環資產投資管理基金創辦人、行政總裁兼投資總監譚新強卻認為，雖然全球股市反彈得厲害，但投資者不能過份解讀停止加息，美國此輪加息只是加慢一點，並非全面不加息，真正考驗是3月議息，因為過往是每個季度加息一次。至於縮表進度，譚新強認為聯儲局未有講實規模，預計最快7至9月才會考慮停縮表。
譚新強認為，目前很多國家收緊貨幣政策，唯一放水的主要國家是中國，「人民幣強，股市一定OK。」不過，中國貨幣政策與其他央行背馳，人民幣未必容許升得太多，若上升至一定水平，投資者反而要小心。
至於樓市方面，美國不加息短期內對樓市會好一點，「唔會跌得咁快」，不過，有見及港樓本身昂貴的程度，加上中國經濟放緩了好幾年，但放緩程度會繼續甚至加速，明年後年經濟增長只會「6、5、4、3%咁落去，唔可能反彈7、8、9咁」，香港經濟亦很難加速，對樓市呈負面影響。「本身（樓價）已經係貴到好驚人、對比普通人收入，要反彈好難。」
內地A股上市公司股權抵押問題亦拖累樓市。譚新強指，「內地好多上市公司嗰啲（股權）全部都質押晒，而家先至啱啱爆煲。你話近年起好嗰啲山頂豪宅Mount Nic（Mount Nicholson）嗰啲，買嗰啲全部係大陸人，全部係好虛、所謂大陸土豪有錢佬，嗰啲真係陰功，押左4次、8次，枱面咋喎。枱底據聞同財仔再借幾次，豪宅爆煲潮啱啱開始。」
譚新強強調，今次美國紓緩加息，「It won’t change the big picture，最多係跌慢啲，（樓市）要反彈，尤其是超豪、High end嘅絕對有啲困難。」
沒有留言:
張貼留言