【順豐順水】物流股當炒，嘉里(0636)、中通(2057)輪住破頂，嚟緊可能再新嘢俾大家買，就係大家見慣見熟嘅順豐！

 

【順豐順水】物流股當炒，嘉里(0636)、中通(2057)輪住破頂，嚟緊可能再新嘢俾大家買，就係大家見慣見熟嘅順豐！

 

《彭博》引述消息報道，宜家喺深圳上市嘅順豐控股(002352.SZ)，將計劃喺香港上市，正與顧問研究分拆速遞業務，上市集資50億美元。

 

但據內地傳媒引述公司回應表示，公司沒有任何在聯交所發行股票並上市的計劃。

 

順豐A股今日收報78.45人民幣，跌1.9%。

 

總部設於深圳嘅順豐，同大家可一般認知嘅「第二上市」唔同，並無喺美國上市，而係喺2017年，透過借殼鼎泰新材於深交所上市。

 

上市初期股價急升，一度帶挈創辦人王衛，成為內地第三大富豪。

 

根據早前發布嘅業績，順豐Q3營收達1095億人民幣，按年增長39.1%，遠高於20%左右的行業增長率，主要得益於順豐電商件業務帶來的增量貢獻以及國際件業務、供應鏈快運、冷運醫藥業務的增長；而淨利潤51億人民幣，按年增長45.3%。