https://invest.hket.com/article/2743589?r=cpstna
對於美股下跌，豐盛金融資產管理董事黃國英在接受《投資理財周刊》專訪時表示：「美股最新一輪升浪，主要來自三隻股票、炒作兩種概念，因而加速了美股周初的升勢，可以話係喪升，係要回吐了！」
他解釋：「美股開始要回吐，係因為近排有兩隻大股正式拆細，股價就炒到癲，分別是一拆四的蘋果（美：AAPL）及一拆五的特斯拉（美：TSLA）。
如果拆細係得，資金就會繼續係市場搵：誰是下一個蘋果？或者誰是下一隻特斯拉？講的不是搵新公司，仍然係睇住一批大價股，例如係亞馬遜（美：AMZN）、谷歌（美：GOOG）或者FACEBOOK（美：FB），如果佢地跟住拆細，又可以炒過。」
黃國英續稱：「除咗炒拆細，仲有炒疫下企業盈利大爆發，最佳例子係ZOOM視頻通訊（美：ZM），疫情之下反而推動業務大增長，市場資金就會繼續搵下一隻ZOOM，提早炒咗先。
就好似CHEWY（美：CHWY），主攻網上買寵物用品，當個個主人都在家工作，也多了人養龐物，需求就上升，CHEWY股價就跟住抽爆機。」
Zoom本周初公布了第二季業績，收入達6.64億美元， 按年勁升32.76倍，刺激股價9月1日一度急升4成。
黃國英認為：「美股未見頂，但相信短期都要整固一下。美股升得太行，資金都會搵其他市場，港股係有機會的。」
沒有留言:
張貼留言