【有教無「慮」？想得太多】多隻教育股上月先創咗52周新高，今朝(2/9)突然集體跳水。

 https://www.facebook.com/AAStocks.com.Limited/posts/10158677318513664

【有教無「慮」？想得太多】多隻教育股上月先創咗52周新高，今朝(2/9)突然集體跳水。

中午埋單，天立教育(1773)插23%、睿見教育(6068)瀉21%、楓葉教育(01317)挫跌18%、成實外教育(01565)都跌11%。

 

今次大跌，都離不開驚監管收緊。

 

喺9月1日，國家主席習近平主持中央全面深化改革委員會第十五次會議，通過咗《關於新時代振興中西部高等教育的若干意見》和《關於規範民辦義務教育發展的實施意見》，當中要求加強民辦義務教育規範管理，同埋營造良好嘅教育生態。

 

早喺8月尾，內地教育部等五個部門印發《關於進一步加強和規範教育收費管理意見》，嚴禁非營利性民辦學校透過關聯交易賺錢，又提出要加大違規收費行為的查處力度、加強教育收費治理基礎能力建設、建立健全教育收費標準動態調整機制、加強教育培養成本調查、規範教育收費決策聽證制度，同埋嚴格執行教育收費公示制度等等... 

 

簡單啲講，總之就係加強監管學校收費，但主要針對中小學教育，所以好似睿見呢啲「k12」教育股反應比較大。上月同佢一齊公布折讓配股集資嘅中教控股(0839)，主要做高等同職業教育，跌幅相對溫和，曾跌7%，見一個月低位。