https://www.youtube.com/watch?v=W-Zvbssue5Y&feature=youtu.be
在“ In Know”（2020年11月6日）第IX集中，ARK首席執行官/首席信息官Cathie Wood參與了美國大選，並提供了她最新的市場評論。她還討論了ARK在財政政策，貨幣政策，市場信號，經濟指標和創新方面的觀點。儘管市場仍然處於劇烈波動的狀態，但ARK在這里為您服務。加入ARK的首席執行官兼CIO Cathie Wood，她在這段與冠狀病毒（COVID-19）大流行有關的不確定性期間提供了簡短的回顧。保持健康。保持創新。了解有關ARK的更多信息：https://ark-invest.com/
Cathie Wood 11月觀點－美國GDP就業樂觀｜別用P/B,殖利率選股｜
不看好中國創科自給自足
The Election
- 市場反應樂觀，主因共和黨嬴取Senate大多數議席，以致掌握House（及好大機會President）嘅民主黨難以推動不利美國經濟嘅變革政策（e.g. 推高企業稅、拆細FAANG等巨型科企、國有化healthcare）。大型基建應係兩黨共識，因為共和黨Senate大佬Mitch McConnel都同意刺激政策，包括大型基建。
- 大選後，銀行按揭利率繼續低企，利率曲線（yield curve）進一步平坦（ flattening），因長息進一步走低，但短息已低無可低，不利於銀行業，尤其是地區銀行（regional banks）。
- 美國可能吸引到更多海外投資。全球最大之一嘅挪威主權基金已表明會增加北美投資（特別係美國）。其一原因係，歐洲迎來第二波疫情，導致資金進一步外流。歐洲第一次封城（lockdown）已證實唔work，而且天氣轉冷，前景更唔樂觀。美國死亡率近日雖微增，但按人口比例計數據仍優於歐洲。
US Employment and Saving Rate
- 美國貨幣政策，聯儲局繼續偏鴿。美國失業率已跌破7%水平，現為6.9%，已由峰值跌半，3月講時無乜人信，但ARK就一直相信V型反彈（註：的確，本欄此系列第一篇五月號已有引述）。
- 就業數據方面，政府僱員數目回落，主因人口普查工作完結。Household sector本月新增220萬個職位，過去3個月平均每月增加170萬個！與市場常用嘅非農數據(non-farm payroll)相比，以上數據計入被忽略嘅小微企業同自僱人士。
- 武肺前，美國修訂破產法令小微企業有權宣布破產。因此，武肺除咗引致好多小微企宣布破產，亦催生咗好多新小微企，估計新成立小微企比破產嘅更多。
- 勞動力短缺。製造業平均OT時數大增0.3小時，係非比尋常咁大。
- 消費者儲蓄率14.3%，雖低於四月峰值34%，但比二月8%仍偏高，反映消費市場彈藥十足。消費者淨值大升，同樣值得樂觀。
USA GDP
- 市場估計Q4 GDP只升5%，ARK認為會強得多，估計今年聖誕假期銷售強勁，能延續Q3 GDP增幅高達年率化33%嘅勢頭。標普自9月以來已升5–6%，正是假期銷售強勁嘅先兆。（註：Wood11月7日講，並未反映11月10日瑞輝新疫苗導致嘅升幅）
- Q3 durable consumption(耐久財)不成比例地大升82%（年率化）！Q1只是跌了12%，Q2只是跌了1.75%。主因消費者未能花錢在服務上，唯有轉而花錢在durable goods上。
- Q3庫存下跌，低於Q1、Q2，反映企業正追趕應付消費者龐大需求。
- PMI數據可見，10月新增訂單已創下2003年以來最高紀錄（另一個可比較點已是1973年）。
- 房屋銷售按年大升59%，買樓係經濟上嘅“strong multiplier”，因為買樓後會產生其他好多關連開支。
US market
- 美元低位企穩。相比之下，土耳其、阿根廷貨幣今年已跌30%，難怪Bitcoin升咁多。商品市場方面，銅自三月已升逾50%創新高，正是經濟復甦嘅先兆。
- 高低評級企業債息差幅收窄，反映市場風險胃納（risk appetite）上升，投資者認為低質企業唔會財困，足見市場氣氛改善。
- 創科企業喺疫情爆發以來幫人解決咗好多問題，業績數據亮麗，創科主導大趨勢無回頭路。例如，FB COO Sheryl Sandberg講過，online retail過去四年只係每年平均增加100b.p.市佔率，但過去一季就大增400b.p。
- Teledoc(TDOC)指本身只有11%美國消費者願意採用遠距醫療（telemedicine），但上季就急升至46%。
- Square(SQ)為小微企提供比起傳統銀行又快又平嘅銀行服務，包括Payment Protection Plan服務；又提供咗point of sale，小微企只要手機安裝SQ app，就可以在現實中同網上接收信用卡付款。
New Economy vs Old Economy
- ARK一直投資包含14種新科技嘅5大創新平台 (DNA sequencing 、 Energy storage、Robotics、AI、Blockchain)，全獲疫情turbocharge。
- ARK最近推出咗一份“Bad Ideas Report”，主要係講標普指數成份股入面唔掂嘅舊經濟公司，例如銀行業、能源業、汽車業，而呢D行業佔S&P 500嘅35%。所以，只買指數ETF嘅投資者要三思。
- ARK ETFs vs NASDAQ 100：QQQ有45%係FAANG+MSFT，近年主要受益於傳統電視廣告及實體零售轉至網上。但Wood認為QQQ當中30%係sustaining tech(e.g. 5G)，當中有17%將會被新一輪創科顫覆。QQQ只有25%係真正破革顫覆創新。相比下，ARK ETF 90%都係專注破革顫覆創新，目標係下一群FAANG，當中尤其睇好genomic sector，佔成個portfolio接近1/3。
How to pick good stocks?
- 出色嘅價值投資者，唔應該再只係用市帳率P/B ratio同殖利率dividend yield去搵好股票。PB ratio睇嘅book value愈來愈冇參考價值，例如，Exxon上周五已將帳面值book value減值200至300億美元，多達equity市值20%，相當誇張！呢個就係創新科技顫覆舊經濟秩序嘅好例子。
- 太重視dividend yield亦好容易跌入value trapes。唔少呢類企業即使依加仍未削減派息，將來都要減，否則好快被創科取代。（註：一間公司每年賺到嘅net profit，一係用作retained earnings，一係用作派息／回購。一般科企唔多派息，因為要保留資金發展業務；公用股、電訊股、銀行股類就較多派息。我諗Wood意思係，如果舊經濟公司仲派晒D錢出去，而再投放資源採用新科技改良業務，好快會被顫覆取代。）
- 投資者應留意多D非實質資產intangible assets，因為intangible assets多，雖可能代表公司overpaid，但亦可能代表公司正在innovating。
China
- 螞蟻金服IPO推遲（或取消），馬雲被監管機構召見。中國政府唔中意馬雲呢種認為自己權勢足以挑戰政府嘅私企商人，因此馬雲早前已相繼失去Chairman同CEO銜頭。
- 中國政府2021–2025五年計劃（將於2021年3月正式推出）尋求高質量增長，主因基建上已太多資金追逐太少機會（too much capital chasing too few opportunities），倒不如轉向高增值製造業（如德國、美國）。
- 由於美國制裁華為，大力守衛知識產權，令中國政府聚焦創科，希望「自給自足」（self-reliant）。不過，Wood觀察到中國起碼在15年前已想成為半導體製造中心，即使已從台積電（TSM）挖角唔少人才，至今仍未能達成願望。目前，全球科技發發展係一套持續進步嘅open-ource ecosystem（「開放源生態系統」），想「自給自足」反而可能將自己從呢個生態系統切割出去，並唔樂觀。
- 中國政府想禁制加密貨幣（cryptocurrencies），推出自家電子人民幣作為亞洲區央行儲備貨幣（reserve currency）。其實，咁樣都係將自己由開放源生態（e.g. Bitcoin）切割出去，引致孤立。
- 中國政府計劃轉移更多決策權力到地方政府及私企，對外資來講係樂觀嘅發展。
- 中國政府計劃2030年之前碳排化發到峰值然後下降，意即將會更大力度發展電動車（EV）及電池。
沒有留言:
張貼留言